डोंबिवली दि.1 जानेवारी :
कल्याण डोंबिवली महापालिकेच्या सार्वत्रिक निवडणुकीत प्रभाग क्रमांक २४ मधून रमेश म्हात्रे, विश्वनाथ राणे, वृषाली जोशी हे शिवसेनेचे नगरसेवक पदाचे तीन उमेदवार बिनविरोध विजयी झाले असतानाच आता शिवसेनेची ही विजयी घोडदौड सुरूच आहे. कल्याण डोंबिवली महापालिकेतील प्रभाग क्रमांक २८ येथील शिवसेनेचे नगरसेवक पदाचे उमेदवार हर्षल राजेश मोरे हे देखील बिनविरोध विजयी झाले आहे. यामुळे शिवसेनेच्या बिनविरोध विजयी झालेल्या नगरसेवकांची संख्या चार इतकी झाली आहे.
शिवसेनेची ही विजयी वाटचाल अशीच सुरु राहणार असून इतर ही शिवसेनेचे काही उमेदवार बिनविरोध निवडून येण्याची दाट शक्यता आहे. शिवसेनेच्या या विजयामुळे इतर नगरसेवक पदाच्या उमेदवारांमध्ये देखील जल्लोषाचे वातावरण आहे. तर शहरातील सर्व शिवसैनिकांकडून विजय साजरा करण्यात येत आहे.