इंधन आणि घरगुती गॅसच्या दरवाढीविरोधात कल्याणात राष्ट्रवादीचे आंदोलन

कल्याण दि.18 मे :
पेट्रोल- डिझेलसह स्वयंपाकाच्या गॅसच्या दरात झालेल्या दरवाढीविरोधात आज कल्याण राष्ट्रवादी काँग्रेसतर्फे निषेध आंदोलन करण्यात आले. भरमसाठ वाढीमुळे सर्वसामान्य नागरिकांचे कंबरडे मोडले असून केंद्र सरकार नागरिकांचे आर्थिक शोषण करत असल्याचा आरोप आंदोलनकर्त्यांनी केला. केंद्र सरकारने तातडीने ही भाववाढ कमी करून लोकांना दिलासा देण्याची मागणी या आंदोलनाद्वारे करण्यात आली.

आम्ही सनदशीर मार्गाने आंदोलन करत असून त्यानंतरही केंद्र सरकारने आमचे म्हणणे ऐकले नाही तर रस्त्यावर उतरून जन आंदोलन करण्याचा इशारा जिल्हाध्यक्ष जगन्नाथ शिंदे यांनी दिला.