कल्याण लोकसभा मतदारसंघातील मेट्रो – रस्ते प्रकल्पांना गती ; एमएमआरडीए अर्थसंकल्पात ४ हजार ८९७ कोटींची भरीव तरतूद

उपमुख्यमंत्री एकनाथ शिंदे यांच्या अध्यक्षतेखाली अर्थसंकल्प सादर ; खासदार डॉ.श्रीकांत एकनाथ शिंदे यांच्या सातत्यपूर्ण पाठपुराव्यामुळे प्रकल्पांना गती

कल्याण दि.17 फेब्रुवारी :
राज्याचे उपमुख्यमंत्री एकनाथ शिंदे यांच्या अध्यक्षतेखाली सोमवारी मुंबई महानगर प्रदेश प्राधिकरणाचा ( एमएमआरडीए ) २०२६-२७ वर्षाचा अर्थसंकल्प सादर करण्यात आला. यामध्ये एमएमआरडीए क्षेत्रातील विविध विकासप्रकल्पांना गती देण्यासाठी भरीव आर्थिक तरतूद करण्यात आली आहे. यामध्ये कल्याण लोकसभा मतदारसंघाचे खासदार डॉ.श्रीकांत शिंदे यांच्या सातत्यपूर्ण पाठपुराव्यामुळे कल्याण लोकसभेच्या वाहतूक व्यवस्थेचा चेहरामोहरा बदलून टाकणाऱ्या मेट्रो आणि रस्ते प्रकल्पाच्या कामांना गती देण्यासाठी तब्बल ४ हजार ८९७.१९ कोटींची भरीव निधीची तरतूद करण्यात आली आहे. (Metro and Road Projects Accelerated in Kalyan Lok Sabha Constituency; ₹4,897 Crore Allocated in MMRDA Budget)

यामध्ये मेट्रो – ५, आणि मेट्रो – ५ अ विस्तारीकरण, मेट्रो १२, मेट्रो १४, कल्याण शिळफाटा जंक्शन ते भिवंडी उड्डाणपूल , कल्याण रिंग रोड, विठ्ठलवाडी ते कल्याण अहिल्यानगर उन्नत मार्ग, ऐरोली काटई फ्री वे ( टप्पा – ३ ) या प्रकल्पांचा समावेश आहे. या भरीव निधीच्या तरतुदीसाठी खासदार डॉ.श्रीकांत एकनाथ शिंदे यांनी मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री सुनेत्रा अजित पवार आणि एमएमआरडीए प्राधिकरणाचे आभार व्यक्त केले आहेत.

खा. डॉ. श्रीकांत शिंदे यांचा सातत्यपूर्ण, नियोजनबद्ध पाठपुरावा…
कल्याण लोकसभा मतदारसंघाचे खासदार डॉ. श्रीकांत शिंदे यांच्या सातत्यपूर्ण पाठपुरावा, नियोजनबद्ध पाठपुरावा बैठका आणि राज्य सरकार व एमएमआरडीएशी केलेल्या समन्वयामुळे या महत्त्वाच्या प्रकल्पांना निधी उपलब्ध झाला आहे. गेल्या काही वर्षांत कल्याण-डोंबिवली, अंबरनाथ, उल्हासनगर आणि आसपासच्या परिसरातील वाढती लोकसंख्या, औद्योगिक विस्तार आणि वाढता वाहतूक ताण लक्षात घेऊन दीर्घकालीन उपाययोजना राबविण्याची गरज होती. त्याच पार्श्वभूमीवर या प्रकल्पांची आखणी करण्यात आली. या प्रकल्पांमध्ये मेट्रो मार्गिकांचा विस्तार याला केंद्रस्थानी ठेवण्यात आले आहे. एमएमआरडीएने तरतूद केलेल्या या निधीतून मेट्रो जाळ्याचा विस्तार हा सर्वात महत्त्वाचा घटक ठरणार आहे. मेट्रो-५ तसेच मेट्रो-५अ विस्तारीकरण, मेट्रो-१२ आणि मेट्रो-१४ या महत्त्वाकांक्षी मार्गांच्या कामांना गती दिली जाणार आहे. या मेट्रो प्रकल्पांमुळे कल्याण लोकसभा मतदारसंघ थेट महानगरातील प्रमुख व्यावसायिक आणि निवासी पट्ट्यांशी जोडला जाणार असून, रोजच्या प्रवासाचा कालावधी मोठ्या प्रमाणात कमी होणार आहे. रस्ते वाहतुकीवरील ताण कमी होऊन पर्यावरणपूरक सार्वजनिक वाहतूक प्रणालीला बळ मिळणार आहे.

रस्ते, उड्डाणपूल प्रकल्पांनाही मोठी चालना…
यासोबतच रस्ते आणि उड्डाणपूल प्रकल्पांनाही मोठी चालना मिळणार आहे. कल्याण-शिळफाटा जंक्शन ते भिवंडी उड्डाणपूल, कल्याण रिंग रोड, विठ्ठलवाडी ते कल्याण अहिल्यानगर उन्नत मार्ग, ऐरोली काटई फ्री वे ( टप्पा – ३ ) या प्रकल्पांचा समावेश असून, या मार्गांमुळे शहरांतर्गत आणि आंतरशहरी वाहतुकीचे जाळे अधिक सक्षम होणार आहे. वाहतूक कोंडी कमी करण्याबरोबरच औद्योगिक आणि लॉजिस्टिक वाहतुकीलाही मोठा दिलासा मिळणार आहे.

नव्या निधीमुळे प्रकल्प पूर्णत्वाला वेग येणार…
कल्याण लोकसभा मतदारसंघाचे खासदार डॉ.श्रीकांत शिंदे यांच्या माध्यमातून सुरू असलेल्या रेल्वे उड्डाणपूल, अंतर्गत रस्त्यांचे रुंदीकरण, नवीन जोडरस्ते आणि वाहतूक व्यवस्थापनाच्या प्रकल्पांमुळे संपूर्ण मतदारसंघात पायाभूत सुविधांची मोठ्या प्रमाणावर उभारणी होत आहे. अनेक प्रकल्पांची कामे प्रत्यक्षात सुरू असून नव्या निधीमुळे त्यांची अंमलबजावणी अधिक वेगाने पूर्णत्वास जाणार आहे. परिणामी, कल्याण लोकसभा मतदारसंघाला नियोजित नागरीकरणाचा आणि सुस्थित वाहतूक व्यवस्थेचा नवा आयाम मिळणार आहे. तर या सर्व प्रकल्पांच्या अंमलबजावणीनंतर कल्याण लोकसभा मतदारसंघ केवळ निवासी विस्ताराचा भाग न राहता नियोजित शहरी विकासाचे केंद्र म्हणून विकसित होईल. वाढत्या महानगर विस्तारात कल्याण लोकसभा परिसराला स्वतंत्र ओळख देणारा हा अर्थसंकल्प ठरणार असून, येत्या काळात येथील वाहतूक, उद्योग, गुंतवणूक आणि नागरिकांच्या जीवनमानात लक्षणीय बदल घडेल.

नागरिकांना आधुनिक, सुरक्षित आणि जलद वाहतूक सुविधा मिळणार – खा. डॉ. श्रीकांत शिंदे
या भरीव निधीबाबत खा. डॉ. श्रीकांत शिंदे यांनी मुख्यमंत्री देवेंद्र फडणवीस, उपमुख्यमंत्री एकनाथ शिंदे तसेच एमएमआरडीए प्रशासनाचे आभार व्यक्त केले आहेत. राज्य सरकारच्या सहकार्यामुळे कल्याण मतदारसंघातील महत्वाकांक्षी वाहतूक प्रश्न मार्गी लागत असून नागरिकांना आधुनिक, सुरक्षित आणि जलद वाहतूक सुविधा उपलब्ध करून देण्याचा हा महत्त्वाचा टप्पा असल्याचे त्यांनी स्पष्ट केले आहे.

या प्रकल्पांसाठी भरीव निधीची तरतूद…

मेट्रो – ५ ( ठाणे – भिवंडी – कल्याण ) – १ हजार ३०९.३० कोटी

ऐरोली काटई फ्री वे ( टप्पा – ३) – ९०० कोटी