कल्याण डोंबिवली | २२ ऑक्टोबर
कल्याण डोंबिवली महानगरपालिका (KDMC) क्षेत्रामध्ये येत्या मंगळवारी २७ ऑक्टोबर २०२६ रोजी सलग १८ तास पाणीपुरवठा पूर्णपणे बंद राहणार आहे. महापालिकेच्या पाणी पुरवठा विभागाने प्रसिद्ध केलेल्या पत्रकानुसार, जलशुद्धीकरण केंद्रांमधील विद्युत आणि यांत्रिकी उपकरणांच्या तातडीच्या देखभाल व दुरुस्तीच्या कामासाठी हा पाणी पुरवठा बंद ठेवण्याचा निर्णय घेण्यात आला आहे. (Kalyan-Dombivli to face 18-hour water cut on Tuesday; Municipal Corporation urges citizens to use water sparingly )
कधी आणि किती वेळ पाणी बंद राहणार?
• वार आणि दिनांक: मंगळवार, २७ ऑक्टोबर २०२६
• वेळ: सकाळी ६:०० वाजेपासून ते रात्री १२:०० वाजेपर्यंत (एकूण १८ तास)
जलशुद्धीकरण केंद्रे:
बारावे, मोहिली, नेतिवली आणि टिटवाळा जलशुद्धीकरण केंद्र.
या परिसरांवर होणार परिणाम:
• कल्याण परिसर: कल्याण पूर्व आणि कल्याण पश्चिम भाग.
• डोंबिवली परिसर: डोंबिवली पूर्व आणि डोंबिवली पश्चिम परिसर.
• कल्याण ग्रामीण व इतर भाग: मांडा-टिटवाळा, वडवली, आंबिवली, शहाड, अटाळी आणि कल्याण ग्रामीण विभागातील इतर गावे.
या दुरुस्तीच्या कालावधीत गैरसोय टाळण्यासाठी आधीच पुरेसा पाणीसाठा करून ठेवावा आणि उपलब्ध पाणी अत्यंत जपून वापरण्याचे आवाहन केडीएमसी प्रशासनातर्फे करण्यात आले आहे.
