डोंबिवली 6 नोव्हेंबर :
देशातील सुप्रसिद्ध मेन्सवेअर ब्रँड ब्लॅकबेरीज (Blackberrys) ने आता डोंबिवलीतही आपले भव्य शोरुम सुरू केले आहे. डोंबिवली पूर्वेच्या लॉजिक एंटरप्रायझेस, युगंधर सुदामा ए-१ विंग, ग्राऊंड – पहिला मजला येथे अनेक मान्यवरांच्या उपस्थितीत त्याचा उद्घाटन सोहळा संपन्न झाला. सुप्रसिद्ध समाजसेवक आणि गिनिज बुक विक्रमवीर उदय जगताप यांनी सचिन शेलार यांच्या पुढाकाराने हे शोरुम सुरू केले आहे. (After Kalyan, now a grand store of the renowned brand ‘BlackBerry’ is inaugurated in Dombivli too)
उद्घाटन सोहळ्यावेळी अनेक मान्यवर उपस्थित होते. ज्यांच्या हस्ते याप्रसंगी ब्लॅकबेरीजच्या या हंगामातील नव्या फॅशन कलेक्शनचे अनावरणही करण्यात आले.
या नव्या स्टोअरमध्ये आधुनिक आणि स्टायलिश पुरुषांसाठी फॉर्मल तसेच कॅज्युअल परिधान, शर्ट्स, ब्लेझर्स, ट्राऊझर्स आणि आकर्षक अॅक्सेसरीजची विस्तृत श्रेणी उपलब्ध आहे. ग्राहकांना एकाच छताखाली जागतिक दर्जाची फॅशन आणि उत्कृष्ट सेवा अनुभवायला मिळणार आहे.
काही वर्षांपूर्वी कल्याण पश्चिमेतही ब्लॅकबेरीजचे एक आकर्षक शोरूम सुरू करण्यात आले होते. अल्पावधीतच या ब्रँडने परिसरातील फॅशनप्रेमी आणि अभिजात व्यक्तींच्या मनात विशेष स्थान मिळवले आहे. ब्लॅकबेरीज हे आता एलिगंट आणि स्टायलिश व्यक्तिमत्त्वाचे प्रतीक बनले आहे.
महाराष्ट्रातील वाढत्या फॅशन मार्केटमध्ये आपली उपस्थिती अधिक बळकट करत, ब्लॅकबेरीजने डोंबिवलीत केलेले हे नवीन पाऊल स्थानिक ग्राहकांसाठी नक्कीच एक मोठी भेट ठरेल असा विश्वास व्यक्त होत आहे.
सामाजिक बांधिलकी जपणारे उदय जगताप यांचे युवा आणि गुन्हेगारी पुनर्वसन क्षेत्रात उल्लेखनीय कार्य…
समाजातील तरुणांना रोजगाराच्या संधी उपलब्ध करून देणे, गुन्हेगारी प्रवृत्तीपासून दूर ठेवणे आणि सुधारगृहातून बाहेर पडलेल्या बंदीवानांचे पुनर्वसन या क्षेत्रांत सातत्याने कार्यरत असलेले उदय संभाजी राव जगताप हे धनकवडी परिसरातील एक प्रेरणादायी व्यक्तिमत्व म्हणून ओळखले जातात.
उदय जगताप यांनी आपल्या आदर्श मित्र मंडळाच्या माध्यमातून १५० हून अधिक सुशिक्षित बेरोजगार तरुणांना विविध माध्यमांतून रोजगाराच्या संधी उपलब्ध करून दिल्या आहेत. समाजातील गुन्हेगारी प्रवृत्ती कमी करण्यासाठी त्यांनी ‘सुनहरे भविष्य’ ही विशेष योजना राबवली असून कारावास भोगून बाहेर आलेल्या व्यक्तींना नव्याने उभं राहण्यासाठीही रोजगार आणि आर्थिक मदत पुरवली जाते.
तसेच, बंदीवानांसाठी दंतचिकित्सा, आरोग्य आणि शैक्षणिक पुनर्वसन उपक्रम ते सातत्याने राबवत आहेत. शाळा, महाविद्यालये, सामाजिक गणेशोत्सव मंडळे आणि युवक संघटनांच्या माध्यमातून त्यांनी तरुण पिढीत गुन्हेगारीविषयी जागरूकता निर्माण केली आहे. बाल गुन्हेगारी रोखण्यासाठी विशेष बालक-बालिका शिबिरांचे आयोजन केले जाते, तर परिसरातील विद्यार्थ्यांसाठी स्पोर्ट्स लायब्ररी सुरू करून विविध क्रीडा साहित्य मोफत उपलब्ध करून दिले जाते.
शैक्षणिकदृष्ट्या बी.कॉम. आणि इलेक्ट्रॉनिक डिप्लोमा शिक्षण घेतलेले उदय जगताप हे कराटे ब्लॅक बेल्ट (2nd Dan) असून, सात देशांतील स्पर्धांमध्ये ‘बेस्ट मॅनेजमेंट’ पुरस्कारासह अनेक राष्ट्रीय सन्मानांनी गौरवले गेले आहेत. सामाजिक कार्याची आवड आणि सातत्याने राबविलेल्या जनकल्याणकारी उपक्रमांमुळे उदय जगताप यांचे नाव धनकवडी परिसरात एक संवेदनशील, परिष्कृत आणि कार्यक्षम समाजसेवक म्हणून घेतले जाते.
