Home कोरोना शनिवार रविवारच्या निर्बंधांबाबत केडीएमसीच्या मार्गदर्शन सूचना जारी; केवळ या गोष्टींना असेल परवानगी

शनिवार रविवारच्या निर्बंधांबाबत केडीएमसीच्या मार्गदर्शन सूचना जारी; केवळ या गोष्टींना असेल परवानगी

 

कल्याण – डोंबिवली दि. 9 एप्रिल :
वाढत्या कोवीड रुग्णसंख्येच्या पार्श्वभूमीवर शनिवार आणि रविवारी विकेंड लॉकडाऊनची घोषणा करण्यात आली आहे. त्या पार्श्वभूमीवर कल्याण डोंबिवली महापालिका आयुक्त डॉ. विजय सूर्यवंशी यांनी त्याबाबत मार्गदर्शक सूचना जारी केल्या असून त्यात काय सुरू राहणार याची माहिती दिली आहे.

कल्याण डोंबिवलीमध्येही कोवीड रुग्णांच्या संख्येने कळस गाठला असून महापालिका प्रशासन सर्वस्वपणाला लावत त्याच्याशी दोन हात करत आहे. तर राज्य शासनाने शनिवार आणि रविवारी दोन दिवस आणखी कडक निर्बंध लागू केले आहेत. या दोन्ही दिवसांत परीक्षार्थी विद्यार्थी, ऑनलाईन फूड होम डिलीव्हरी, भाजीपाला, चिकन -मटण-मासे विक्रेते, वाईन शॉपबाबत असणाऱ्या निर्बंधांबाबत महापालिका आयुक्त डॉ. विजय सूर्यवंशी यांनी माहिती दिली. तर अनेक मद्यप्रेमींच्या दृष्टीने जिव्हाळ्याचा असणारे वाईन शॉप 30 एप्रिलपर्यंत बंद राहणार असल्याचेही त्यांनी यावेळी स्पष्ट केले. तसेच कल्याण डोंबिवलीतील सध्याची कोवीड रुग्णसंख्या पाहता नागरिकांनी शनिवारी – रविवारी विनाकारण घराबाहेर पडू नये आणि प्रशासनाला सहकार्य करावे असे आवाहनही महापालिका आयुक्त डॉ. विजय सूर्यवंशी यांनी दिली.

 

शनिवार -रविवारबाबत या आहेत सूचना…

ज्या विद्यार्थ्यांना परीक्षेला जाण्यासाठी कोणताही अडथळा असणार नाही. हॉल तिकीट दाखवून प्रवासाची मुभा दिली जाणार आहे. तसेच त्यांच्याबरोबर एका प्रवाशाला परवानगी देण्यात आली आहे.

ऑनलाईन डिलिव्हरी करणाऱ्या झोमॅटो, स्विगी आदींना 24 तास होम डिलिव्हरीसाठी परवानगी…

अत्यावश्यक किराणा, दूध, भाजीपाला, फळविक्रेते, मिठाई यांची दुकाने सकाळी 7 ते रात्री 8 सुरू राहतील.

मटण-चिकन-अंडी-मासे विक्री दुकाने आठवडाभर नियमांचे पालन करत सकाळी 7 ते रात्री 8 सुरू राहणार..

भाजीपाला विक्रेते 6 फूट अंतर ठेऊन आणि वर्तुळ काढून विक्री करणार…

औषध दुकाने हॉस्पिटल वेळेचे बंधन नाही..

पीठ गिरणी आठवड्याचे सातही दिवस सकाळी 7 ते 8 वाजेपर्यंत सुरू राहणार.

आईस्क्रीम, ज्यूस, खाद्यपदार्थ विक्रेते आणि रस्त्याच्या कडेचे स्टॉलला फक्त पार्सल विक्रीस परवानगी. होम डिलिव्हरी करणार असेल तरच सुरू अन्यथा बंद ठेवायचे..

इतर सूचना…

वाईन शॉप 30 एप्रिलपर्यंत पूर्णपणे बंदच असणार.

चष्मे दुकानांना सोमवार ते शुक्रवार सकाळी 7 ते रात्री 8 सुरू ठेवण्यास परवानगी

चार्टर्ड अकाऊंटस् ऑफिसेस सोमवार ते शुक्रवार सोमवार ते शुक्रवार सकाळी 7 ते रात्री 8 पर्यंत परवानगी…

मागील लेखकल्याण डोंबिवलीत कोवीड लसींचा 1 दिवस पुरेल इतकाच साठा शिल्लक
पुढील लेखकल्याण डोंबिवलीत आज आढळले कोरोनाचे तब्बल 2 हजार 19 रुग्ण तर 881 रुग्णांना मिळाला डिस्चार्ज

तुमची प्रतिक्रिया लिहा

तुमची कंमेंट लिहा
तुमचे नाव लिहा