Home ठळक बातम्या “डोंबिवली क्रिडा संकुलातील तरणतलाव नागरिकांसाठी लवकरात लवकर सुरू करा”

“डोंबिवली क्रिडा संकुलातील तरणतलाव नागरिकांसाठी लवकरात लवकर सुरू करा”

युवासेनेची केडीएमसी प्रशासनाकडे मागणी

डोंबिवली दि.24 नोव्हेंबर :
डोंबिवली पूर्वेतील वै. ह.भ.प. सावळाराम म्हात्रे महाराज क्रिडा संकुलातील तरण तलाव स्वच्छ करून पुन्हा सुरू करण्याची मागणी युवासेनेतर्फे करण्यात आली आहे. युवासेनेचे जिल्हाधिकारी दिपेश म्हात्रे यांच्या मार्गदर्शनाखाली उपजिल्हाधिकारी आशुतोष सिंह यांनी केडीएमसी आयुक्त डॉ. विजय सूर्यवंशी यांना निवेदन दिले आहे.

कोवीडमूळे लागू केलेले बरेचसे निर्बंध शासनाने शिथिल करत नागरिकांना दिलासा दिला आहे. राज्य शासनाने क्रिडा आणि क्रिडाप्रकरांसाठी असणारे निर्बंधही कमी केले असून यामध्ये तरण तलावाबाबतच्या निर्बंधांचाही समावेश आहे. राज्य शासनाने सशर्त नियमावलीनूसार तरण तलाव सुरू करण्यास परवानगी दिली आहे. त्यामूळे गेल्या दिड वर्षापासून बंद असणाऱ्या राज्यातील इतर तरण तलावांप्रमाणे कल्याण डोंबिवलीतील तरण तलाव सुरू करण्याचा मार्गही आता मोकळा झाला आहे.
त्यामुळे डोंबिवली क्रिडा संकुलातील हा तरण तलाव केडीएमसी प्रशासनाने लवकरात लवकर स्वच्छ करावा आणि नागरिकांना खुला करून देण्याची मागणी उपजिल्हाधिकारी आशुतोष सिंह यांनी केली आहे.

मागील लेखकल्याण डोंबिवली महापालिकेच्या 24 नोव्हेंबर 2021 रोजीच्या लसीकरण केंद्रांची माहिती
पुढील लेखकल्याण डोंबिवलीत आज आढळले कोरोनाचे 21 रुग्ण तर 31 रुग्णांना मिळाला डिस्चार्ज

तुमची प्रतिक्रिया लिहा

तुमची कंमेंट लिहा
तुमचे नाव लिहा