कल्याण दि. २ ऑक्टोबर :
कल्याणच्या खडकपाडा भागात असणाऱ्या २३ मजली हाय प्रोफाईल इमारतीमध्ये लागलेल्या आगीत २ फ्लॅट जळून भस्मसात झाले. आज सकाळच्या सुमारास ही घटना घडली असून आगीचे नेमके कारण समजू शकले नाही. (Two flats gutted in a fire in a 23-storey building in Kalyan)
कल्याण पश्चिमेच्या खडकपाडा भागात मोहन अल्टीजा ही २३ मजली इमारत आहे. या इमारतीमध्ये आज सकाळच्या सुमारास तिसऱ्या मजल्यावरील फ्लॅटमध्ये हा प्रकार घडला. तर आग लागल्यानंतर इमारतीच्या लिफ्टमध्ये दोन जण अडकून पडले होते. मात्र कल्याण डोंबिवली महानगरपालिकेच्या अग्निशमन दलाने घटनास्थळी धाव घेत आगीवर नियंत्रण मिळवले. आणि लिफ्टमध्ये अडकलेल्या लोकांची सुटका केली. या आगीमध्ये कोणतीही जीवितहानी झाली नसली तरी दोन्ही फ्लॅटचे मोठे नुकसान झाले आहे. तर आगीचे प्रमुख कारण अद्याप समजू शकलेले नाही.
